اللي فات
بقلمي يحيى حسين
اللي فات مات وعدى
ولا لسه في القلب صاحي
نار وقايده حرقت معاها
كل شيء الا جراحي
والجراح صعب تطيب
مالي جرحني كان حبيب
آه من قسوة كلامه
هو دا كان انتقامه
الكلام قد أيه
صعب الكلام
نصل حامي أحد
من نصل السهام
حطم حشايا الضلوع
مزق من القلب الشغاف
خلص من عيني الدموع
خلاني من نفسي اخاف
نفسي ماليها الغروب
وجاي أيه عايز تتوب
هو اللي مات ممكن يتوب
ويرمي عنه حمل الذنوب
كل ذنب ممكن اسامح
الا ذنب كسر القلوب
يحيى حسين القاهرة
11 فبراير 2019
ليست هناك تعليقات:
إرسال تعليق