بعض الكلمات كتبت باللهجة المحلية العراقية
عندي كلام
--------د.صالح العطوان الحيالي. العراق.
عندي كلام ارد اكولة
ما ادري شا اكول
ادري كثير من الناس تزعل
لكن هي الحقيقة
والحقيقة هسة تزعل
الوكت تغير
لو البشر تغير
الوكت ما يتغير
والساعة هي الساعة
والدنيا هي الدنيا
والمواسم هي المواسم
اشو كل شي صار مكلوب
الأصيل صار بضيق
والكديش علا صوته وصار يصهل
والذيب صارت بي خوفة
ومن الغنم يجفل
الاسد حطوه بالسجن
والواوي بمشية يتمندل
الشريف والنزيه ضاع
والحرامي والمزور
صار له سمعه وهيبة
العالم والمثقف كاعد
والجاهل يتفلسف و يفرهد
الذهب بالتراب نطمر
والتنك صار درجة اول
اه من الوكت
النذل والذيل والمسربت صار مهيوب
والمهيوب عايش بذل
المجنون والمهتلف
والماضية اسود صار شيخ
والشيخ والعارفة تخبل
المضايف والدواوين
كانت تهلي بالخطار
وأصبحت اليوم الدواوين من الخطار تجفل
كلها صارت تمشي عكس ويانا
وكل شي بيها تبدل
ما تضل مغيمة
يجي اليوم اللي تصحى بيها دنيانا
وبأمر الله كل شي يتعدل
