بلا لف ودواران
،،،،،،،،،،،،،،،،،،،،،،،،،
قالت رح تذوق العنب ولّا
جاي لحتى تقاتل الناطور
ما دام قلتلك تعا اتحلّا
دمك عليي ليش عمّا يفور
اهدا وتعا عالسكت نتسلّا
من غير لا احّم ولا دستور
اترك الحاسد عم بيتقلّا
من غيرتو من هون رح بيغور
عجّل قبل ما البدر يتجلّا
ما بحب شوفك يا قمر مقهور
ما يوم عنك راح بتخلّا
لكن اذا شفت الحلا ولّا
وبدك تفل وتعتذر منّي
بيكفا تلف ب حيرتك وتدور
،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق