عوذا صفات اللي تمادى وَ يِغتاب
يضرب بسيف العدا ناسٍ تِحِبهم
ضيع اخلاق العروبة والجناب
حتَّى اباليس الغواية غلبهم
والله ما عنده اقاويل الأطياب
هرجه ظلم واصحابِ عمري سلبهم
يقطع ويوصل في الخفا له اسباب
طول المدى ما جف كِذْبُه بعربهم
والمشكلة إن صحبتي هم اطياب
غرر بهم من شان يكسب جَنَبهم
راحوا ضحية لواحد ٍ حيل مِرتاب
يكذب عليهم.... لا يهتمّ بقربهم
هذي صفات اللي يفرق بالاحباب
يطعن بربعه ما يراعي طلبهم
يسلخ عباته بالفضا لأتفه اسباب
ويرجع عليهم يوم يلزم قربهم
علي السراج
ليست هناك تعليقات:
إرسال تعليق