قلبى اتعلم .....
لو على قلبى خلاص اتعلم
منك كل دروس الماضى
ساعتها ف بعدك كان متالم
بس انهارده أصبح عادى
..............
ولا حيفكر يوم ف عتاب
ولا حيراجع تانى دفاتره
بعد ماشبع هموم وعذاب
وضيع ياما سنين من عمره
..............
ابدا ماحيرجعلك تانى
ولا مستنى تحنى عليه
بعد ما بعتى هواه ف ثوانى
هو كمان ماحيسأل فيه
................
ياما كلام اتقال واتعاد
ومشاعر ف القلب كتيره
مش ممكن ابدا تتعاد
بعد ماشالت منك حيره
..................
بعد ما دخل الشك. ف قلبك
واستغنيتى خلاص. عن حبى
ازاى يفضل قلبى يحبك
وانتى بعيده قوى عن قلبى
..................
لا تعاتبينى ف يوم ولا اعاتبك
دنا قلبى مليان احزان
لا تحا سبينى ف يوم ولا احاسبك
انا مش ناقص تانى حرمان
................
ليست هناك تعليقات:
إرسال تعليق