..خشبك يا خروع هش ..لا يسد ولا يصد ..
وعصب الجبان زي قش ..لا يتحمل ولا يرد ..
وقلبك يا خواف بكي وكش. .
لما المعمعه شاف. .
أصل مالوش في الجد ..
والرعب ملكك وعشعش. .
وحطيت الايدين ع الخد ..
ناس كتير في عقولها وش ..
وزي اللمون في العد ..
شاطره في الكدب والغش ..
وماتشوف منها ود ....
والأصيل لو عاش ع المش ..
وعيشته كانت ع القد..
في حقه ما يرجع ولا يكش ..
ولا يعمل حساب لحد ..
وبايده يهد. .هد ..
قوي بمبدأه الحر ..ما تهزه أبدأ شدايد. .
وعمره ع الندل ما يمر ..ولو كان همه زايد. .جمل ..يكتم ويصر ..ويقول ربي اللي رايد. .دمه هينط. .م الوش. .وراضي بالشقا والكد. .وباني لكرامته عش ..
ضد العواصف والهد. ..
بقلمي ..شاعر البلابيش. .
عدلي جعران. ..
ليست هناك تعليقات:
إرسال تعليق