يا مين يفسرلي هالمنام
،،،،،،،،،،،،،،،،،،،،،،،،،،،،،،،،،،،،،،
جنب النهر شفتك بنومي
نايمه
ونحلات تمي ع زهورك
حايمه
وما تركت زهره غير منّي
زورها
وصحيت عم صرّخ الصُفره
دايمه
وشمس الصُبح عالتخت بعثت
نورها
وعالصوت هالجيران تركت
دورها
وطلّوا لحتى يعرفوا شو
قصتي
وشعرت حوالي هالقيامه
قايمه
،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،
راضي مشيلح
تفسير الشاعر ابو اسعد نجيب
تفسّر منامك بالليالي الناقيه
من حلمك ل ضم الورد للساقية
وحلمك بين اهدابك المتلاقيه
حلم المحبة ل بالحقيقة باقية
هيدي قصيدي كنت عم بتقولها
وطلعت يا راقي متل فضلك راقية
ليست هناك تعليقات:
إرسال تعليق