(( العشرة ))
الكاتب والشاعر
عبدالواحد العاشور
صديت عني ياحبيبي وتغليت
مدري دلع اوتمتحن يادلوعي
وش السبب مدري فجأة تغليت
تعال صارحني يازين الطبوعي
نسيت عشرتنا وبسرعة تخليت
وزداد همي في غيابك ولوعي
الوقت عاكسني على ماتمنيت
أشغلتني واصبحت عني قطوعي
وش السبب فجأة عليا تغليت
مدري على الهجران مالك رجوعي
لاجلك نظمت الشعر في ليلي وقصيت
واطفيت في فرقاك كل الشموعي
حاولت أقوي من عزومي وصديت
وغديت زبدة فوق نار (ن) تموعي
ياحسرتي لاجيت راجع الى البيت
وانظر على الذكرى وسالت دموعي
حملتني همك ياعمري وظليت
اصارع الوحدة ولا لي ربوعي
ليست هناك تعليقات:
إرسال تعليق