////////+++ازرعت+++////////
ازرعت حقول لحروفة
وحجبتها من سرقة الشوفة
واسقيتها بدفء لمحنة
ياك غطيتها بزهار جنة
نخثار منها سرار الجودة
نوجدها ف فصول العودة
تعجبني ف خطوط سطورها
مرسومة مقادة ف حبورها
لخيال معاوني ويزيد
والبال راضي بعشق كل مايريد
وانا للي عارف ماننسى
داير حروف مجادف المرسى
ياك ف بحر وانا سلطانو
وشحال من ابحر بلسانو
ف بحوري نلقى سر الساحة
نتفاجا ياك نلقى الراحة
ونغوص فيها ياك كيف رضيت
نسبح نوصل ونقول بريت
بقلم صقر الحروف الزجال المحجوب بوسبولة
ليست هناك تعليقات:
إرسال تعليق