علي رصيف الانتظار
ناس كتير واقفين
ناس باين في عنيها مرار
وناس قاتلها الحنين
ناس الزمن عليها جار
مش عارفين لفين رايحين
دا حزين ودا محتار
ودا بيشكي هم سنين
كل واحد واخد قرار
لكن مش عارف يحكي لمين
قولت أسأل يمكن اقدر
اني اساعد حد منهم
حاولت اقرب منهم اكتر
عايز اخفف الحزن عنهم
لو سمحت ممكن اعرف
ليه الهم فيكو ساكن
قالي مش مهم تعرف
مش ضروري اجابة لكن
لو مصمم راح أقولك
لما تخلص لما توفي
يبقي ضعف تبقي عيبة
اسال الايام تدلك
لو مصمم راح اقولك
لما تنسي لما تقسي
انسي حاجة اسمها طيبة
اوعي حبك يوم يذلك
لو مصمم راح اقولك
حب ذاتك عيش حياتك
اوعي حقك يوم تسيبه
ما في حد هيتناذلك
لو مصمم راح اقولك
داوي جرحك من اللي جرحك
من اللي كنت في يوم حبيبه
اللي عمره في يوم ما مالك
روح يا ولدي
خد كلامي وبيه اتعامل
الرصيف عدده كامل
ما فيش فيه مكان فاضلك
...
ليست هناك تعليقات:
إرسال تعليق